Nilya Jalawar kaman Kali | Chitraveena | B B Borkar | Marathi Kavita

Nilya Jalawar kaman Kali | Chitraveena | B B Borkar | Marathi Kavita
Nilya Jalawar kaman Kali | Chitraveena | B B Borkar


चित्रवीणा

निळ्या जळावर कमान काळी
कुठे दुधावर आली शेते
थंडाव्याची कारंजीशी
कुठे गर्द बांबूची बेटे

जिकडे तिकडे गवत बागडे
कुठे भिंतीच्या चढे कडेवर
ती म्हातारी थरथर कापॆ
सुखांसवे होऊनी अनावर

तारांमधला पतंग कोठे
भुलूनी गेला गगनमंडला
फ़णा डोलवित झोंबू पाहॆ
अस्तरवीच्या कवचकुंडला

उंचवट्यावर म्हशी गोठल्या
तसेच कोठे कातळ काळे
वर्ख तृप्तिचा पानोपानी
बघून झाले ओलेओले

कुठे तुटल्या लाल कड्यावर
चपळ धीट बकरीची पोरे
एक त्यातले लुचे आईला
सटीनकांति गोरे गोरे

फूललपंखरी फूलथव्यांवर
कुठे सांडली कुंकुमटीम्बे
आरसपानी पाण्यावरती
तरत्या बगळ्यांची प्रतिबिंबे

कुठे आवळीवरी कावळा
मावळतिचा शकून सांगे
पूर्वेला राउळ इंद्राचे
कोरीव संगमरवरी रंगे

घाटामध्ये शिरली गाडी
अन रात्रीचा पडला पडदा
पण चित्रांची विचित्रवीण
अजूनी करते दिडदा दिडदा
 __ बा. भ. बोरकर


Ba Bha Borkar [B B Borkar] – Balakrishna Bhagwant Borkar. Very popular poet in marathi literature born in Goa. B B Borkar also known as Bakibaab. ‘Chitraveena’ is one of his poem in Marathi Kavita Sangrah.

Balakrishna Bhagwant Borkar
(Born: 30 November 1910, Died: 8 July 1984)

What do you think?

0 points
Upvote Downvote

Comments

Leave a Reply

Your email address will not be published. Required fields are marked *

Loading…

0

MKS Comments

comments

Jaain Door Gava | Arati Prabhu [Chintamani Khanolkar] | Marathi Kavita | Movie Lyrics

Asambhav Title Songs Lyrics (असंभव) | Zee Marathi

Asambhav Title Songs Lyrics (असंभव) | Zee Marathi