Ya zopadit majhya Poems by Sant Tukdoji Maharaj Bhajan

Ya zopadit majhya Poems by Sant Tukdoji Maharaj bhajan

राजास जी महाली,
सौख्ये कधी मिळाली
ती सर्व प्राप्त झाली,
या झोपडीत माझ्या॥१॥

भूमीवरी पडावे,
ताऱ्याकडे पहावे
प्रभुनाम नित्य गावे,
या झोपडीत माझ्या॥२॥

पहारे आणि तिजोऱया,
त्यातुनी होती चोऱया
दारास नाही दोऱया,
या झोपडीत माझ्या॥३॥

जाता तया महाला,
‘मज्जाव’ शब्द आला
भितीनं यावयाला,
या झोपडीत माझ्या॥४॥

महाली माऊ बिछाने,
कंदील शामदाने
आम्हा जमीन माने,
या झोपडीत माझ्या॥५॥

येता तरी सुखे या,
जाता तरी सुखे जा
कोणावरी न बोजा,
या झोपडीत माझ्या॥६॥

पाहुन सौख्य माझे,
देवेंद्र तोही लाजे
शांती सदा विराजे,
या झोपडीत माझ्या॥७॥

__संत तुकडोजी महाराज

Comments

Leave a Reply

Your email address will not be published. Required fields are marked *

Loading…

0

MKS Comments

comments

Vishakha | Kusumagraj | Marathi Kavita

Utha Utha Chiu Tai Lyrics | Poems for kids | उठा उठा चिऊताई

Utha utha Chiutai | Poems for kids | Marathi Kavita