Ata unad shabd walavayas lagale Marathi Poems by Suresh Bhat

आता उनाड शब्द वळावयास लागले!
..सारे लबाड अर्थ कळावयास लागले!

केले न मी उगीच गुन्हेगार सोबती
आरोप आपसूक टळायास लागले!

आली पुन्हा मनात नको तीच चिंतने ..
काही मवाळ चंद्र ढळायास लागले!

घायाळ मी असून रणी खूप झुंजलो
ज्यांना न घाव तेच पळायास लागले!

माझ्या मिठीत सांग मला पाप कोणते?
हे चांदणे व्यर्थ चळायास लागले!

माझ्याच झोपडीस कुठे आग लागली?
सारे गरीब गाव जळाव्यास लागले!

केलास हा सवाल नवा तू कसा मला?
आता जुने सवाल छळायास लागले!

कोणी नभात सूर्य विकायास काढला?
येथे प्रसन्न ऊंन्ह मळायास लागले!

आणू तरी कुठून रडायास आसवे?
डोळ्यामधून रक्त गळायास लागले!

जात्यात गात गात उडी मीच घेतली…
आयुष्य सावकाश दळावयास लागले

सुरेश भट


Enjoy Ata unad shabd walavayas lagale Marathi Poems by Suresh Bhat, Suresh bhat poems in Marathi.

MarathiKavitaSangrah.in is a collection of marathi poems written by famous marathi poets. You can also finds marathi poems for kids, desh bhakti geet, bhavgeet, marathi song lyrics, serial title song lyrics and many more.

What do you think?

0 points
Upvote Downvote

Leave a Reply

Your email address will not be published. Required fields are marked *

Avaghachi Sansar Title Songs Lyrics (अवघाची संसार) | Zee Marathi

Avaghachi Sansar Title Songs Lyrics (अवघाची संसार) | Zee Marathi

Suresh bhat poems

Danga Marathi Poems by Suresh Bhat