Navratri Aarti Lyrics in Marathi | नवरात्रि आरती

Navratri Aarti Lyrics in Marathi (उदो बोला उदो) | नवरात्रि आरती | Aarti Sangrah

Navratri Aarti Lyrics in Marathi | नवरात्रि आरती

आश्विनशुद्धपक्षीं अंबा बैसलि सिंहासनीं हो ॥
प्रतिपदेपासून घटस्थापना ती करुनी हो ॥
मूलमंत्रजप करुनी भोंवते रक्षक ठेउनी हो ॥
ब्रह्माविष्णुरुद्र आईचें पूजन करिती हो ॥ १ ॥

उदो बोला उदो अंबाबाई माउलीचा हो ।
उदोकारें गर्जती काय महिमा वर्णू तिचा हो ॥ ध्रु० ॥

द्वितीयेचे दिवशी मिळती चौसष्ट योगिनी हो ॥
सकळांमध्यें श्रेष्ठ परशुरामाची जननी हो ॥
कस्तुरीमळवट भांगी शेंदूर भरुनी हो ॥
उदोकारें गर्जती सकल चामुंडा मिळुनी हो ॥ २ ॥

उदो बोला उदो अंबाबाई माउलीचा हो ।
उदोकारें गर्जती काय महिमा वर्णू तिचा हो ॥

तृतीयेचे दिवशी अंबे शृंगार मांडिला हो ॥
मळवट पातळ चोळी कंठीं हार मुक्ताफळां हो ॥
कंठींचीं पदकें कांसे पीतांबर पिवळा हो ॥
अष्टभुजा मिरविती अंबे सुंदर दिसे लीला हो ॥ ३ ॥

उदो बोला उदो अंबाबाई माउलीचा हो ।
उदोकारें गर्जती काय महिमा वर्णू तिचा हो ॥

चतुर्थीचे दिवशीं विश्वव्यापक जननी हो ॥
उपासकां पाहसी अंबे प्रसन्न अंतःकरणीं हो ॥
पूर्णकृपें पाहसी जगन्माते मनमोहिनी हो ॥
भक्तांच्या माउली सुर ते येती लोटांगणीं हो ॥ ४ ॥

उदो बोला उदो अंबाबाई माउलीचा हो ।
उदोकारें गर्जती काय महिमा वर्णू तिचा हो ॥

पंचमीचे दिवशीं व्रत तें उपांगललिता हो ।
अर्थ्यपाद्यपूजनें तुजला भवानी स्तविती हो ।
रात्रीचे समयीं करिती जागरण हरिकथा हो ॥
आनंदें प्रेम तेंआलें सद्भावें क्रीडतां हो ॥ ५ ॥

उदो बोला उदो अंबाबाई माउलीचा हो ।
उदोकारें गर्जती काय महिमा वर्णू तिचा हो ॥

षष्ठीचे दिवशीं भक्तां आनंद वर्तला हो ॥
घेउनि दिवट्या हस्तीं हर्षें गोंधळ घातला हो ।
कवडी एक अर्पितां देसी हार मुक्ताफळां हो ॥
जोगवा मागतां प्रसन्न झाली भक्तकुळा हो ॥ ६ ॥

उदो बोला उदो अंबाबाई माउलीचा हो ।
उदोकारें गर्जती काय महिमा वर्णू तिचा हो ॥

सप्तमीचे दिवशीं सप्तश्रृंगगडावरी हो ।
तेथें तूं नांदसी भोंवतीं पुष्पें नानापरी हो ॥
जाईजुईशेवंती पूजा रेखियली बरवी हो ।
भक्त संकटींपडतां झेलुनि घेसी वरचेवरी हो ॥७ ॥

उदो बोला उदो अंबाबाई माउलीचा हो ।
उदोकारें गर्जती काय महिमा वर्णू तिचा हो ॥

अष्टमीचे दिवशीं अष्टभुजा नारायनी हो ॥
सह्याद्रीपर्वतीं पाहिली उभी जगज्जननी हो ॥
मन माझें मोहिलें शरण आलों तुजलागुनी हो ॥
स्तनपान देउनि सुखी केलें अंतःकरणीं हो ॥ ८ ॥

उदो बोला उदो अंबाबाई माउलीचा हो ।
उदोकारें गर्जती काय महिमा वर्णू तिचा हो ॥

नवमीचे दिवशीं नवदिवसांचें पारणें हो ॥
सप्तशतीजप होमहवनें सद्भक्ती करुनी हो ।
षड्रस‍अन्नें नैवेद्यासी अर्पियली भोजनीं हो ॥
आचार्यब्राह्मणां तृप्त केलें कृपेंकरुनी हो ॥ ९ ॥

उदो बोला उदो अंबाबाई माउलीचा हो ।
उदोकारें गर्जती काय महिमा वर्णू तिचा हो ॥

दशमीच्या दिवशीं अंबा निघे सीमोल्लंघनीं हो ॥
सिंहारूढे दारुण शस्त्रें अंबे त्वां घेउनी हो ॥
शुंभनिशुंभादिक राक्षसां किती मारिसी रणीं हो ॥
विप्रा रामदासा आश्रय दिधला तो चरणीं हो ॥ १० ॥

उदो बोला उदो अंबाबाई माउलीचा हो ।
उदोकारें गर्जती काय महिमा वर्णू तिचा हो ॥


Get रेणुका देवीची आरती!


What do you think?

3 points
Upvote Downvote

Total votes: 17

Upvotes: 10

Upvotes percentage: 58.823529%

Downvotes: 7

Downvotes percentage: 41.176471%

झंझावात (Jhanzawaat)

भल्या पहाटे निघून आले (Bhalya pahate nighun ale)