Ganaraj Rangi Nachato Lyrics in Marathi गणराज रंगि नाचतो

गणराज रंगि नाचतो नाचतो
पायि घागर्‍या करिती रुणझुण
नाद स्वर्गि पोचतो !

कटि पीतांबर कसुन भर्जरी
बाल गजानन नर्तनास करी
तुंदिल तनु तरि चपल साजिरी
लावण्ये साजतो !

नारद तुंबरु करिती गायन
करी शारदा वीणावादन
ब्रह्मा धरितो तालहि रंगुन
मृदंग धिमि वाजतो !

देवसभा घनदाट बैसली
नृत्यगायने मने हर्षली
गौरीसंगे स्वये सदाशिव
शिशुकौतुक पाहतो !