Maharaj Gauri Nandana Lyrics in Marathi | महाराज गौरीनंदना अमरवंदना

महाराज गौरीनंदना अमरवंदना दैत्यकंदना हे मंगलमूर्ती
ठेव कृपादृष्टि एकदंत दीनावर पुरती

हे स्वयंभु शुभदायका हे गणनायका गीतगायका अढळ दे स्फूर्ति
भवसमुद्र जेणेंकरून सहजगति तरती

म्हणऊन लागतों चरणीं हे गजमुखा
दे देवा निरंतर स्मरणींच्या मज सुखा
दूर करिं अंत:करणींच्या बा दुखा
जय हेरंब लंबोदरा स्वरूपसुंदरा स्वामिसहोदरा हे विघ्‍ननिवारी
मज रक्षिं रक्षिं सहकुटुंब सहपरिवारीं

तिन्‍हि त्रिकाळ गणगंधर्व न करितां गर्व साधुनी पर्व सर्व देवांनीं
आळविली तुला गाउन मधुर ही गाणी

हे प्राणी प्राण तव स्मरणाने जगवती
शशिसूर्य तुझ्या बळ भरणाने उगवती
हे धन्य धन्य अन्‍नपूर्णे श्री भगवती
कविराज असा हा दक्ष सेवेमधिं लक्ष तयाचा पक्ष धरुन मज तारीं
महादेव प्रभाकर रक्षीं या अवतारीं
महाराज गौरीनंदना हो महाराज गौरीनंदना