Uthi Shrirama Pahat Zali lyrics in Marathi

उठी श्रीरामा पहाट झाली, पूर्व दिशा उमलली
उभी घेउनी कलश दुधाचा कौसल्या माऊली

होमगृही या ऋषीमुनींचे सामवेद रंगले
गोशाळेतून कालवडींचे दुग्धपान संपले
मंदिरातले भाट चालले गाऊन भूपाळी

काल दर्पणी चंद्र दावुनी सुमंत गेले गृहा
त्याचा दर्पणी आज राघवा सूर्योदय हा पहा
वशिष्ठ मुनीवर घेऊन गेले पूजापात्र राऊळी

राजमंदिरी दासी आल्या रत्नदीप विझविण्या
ऊठ राजसा पूर्व दिशेचा स्वर्ण-यज्ञ पाहण्या
चराचराला जिंकून घेण्या अरुणप्रभा उजळली